قصيده عن الخوي

تعتبر الصداقة من أسمى العلاقات بين البشر والتي يحتاجها كل إنسان، فالصديق الحقيقي هو سند في الحياة وشريك الفرح والقوة عندما تلم بالشخص المصائب والبلاء، ونظم الكثير من الأدباء والشعراء الروايات والقصائد الشعرية في وصف الصديق الحقيقي ومنزلته في الحياة.

قصيده عن الخوي

فيما يلي مجموعة من القصائد المميزة عن الصديق الحقيقي والخوي:^[1]

• القصيدة الأولى:

والله ماني على مدح الرياجيل بخيل
خاصة لا جيت امدح في زحول الرجال
المشكلة مدحهم حمل لا شلته ثقيل
من ثقلها ما يقدر عليها كبار الجمال
حتى لو تحاملت على حملها لا بد يميل
مال الجمل حيله على حمل الأثقال
أجل وش حيلة قلم بالقصايد يخيل
في معانيها صدق من مزون الخيال
قصيدة ما هي غزل فالطرف الكحيل
ولا هي عتاب وشكوة حال دون حال
قصيدة مدح في ذاك الشهم الأصيل
الي ما تغيره قلت المطر أو كثرة المال
انت العضيد اللي تشرّف مزاياك
وانت الخوي اللي تقدّر خويه
انت العضيد اللي تشرّف مزاياك
وانت الخوي اللي تقدّر خويه
عز الرفيق اللي على ظن ما يخيب
واحد يقدر ايش تعني الصداقة
وعز الخوي لا صار أطيب من الطيب
هذي سواة اللي ينومس رفاقه
ما ينال العز إلا من له خوي مثلك
يرفع الراس عالي ويعلي الهامه
كل العشيرة بالعز تشهد لك
أنت عزك فوق عالي مقامه

• القصيدة الثانية:

رافق أصيل في زمانك يصافيك
لا شاف زلاتك عن الناس غطاك
ترى الصديق اللي يحبك ويغليك
تلقاه عونك على الذة ويمناك
العز يبقى والرفاقه توافيق
يا حظ من خاوى النفوس الكريمة
لو خيروني بين كل المخاليق
أختاركم يا أهل النوايا السليمة
ويبقى غلاكم في صميم المعاليق
وتبقون رأس المال وأكبر غنيمة

• القصيدة الثالثة:

ما يعرف الخوة يا كود الأصاحيب
اللي يحفظون الصداقة أمانة
شرواكم هم أهل الوفاء والمواجيب
وإلا الردي دايم طويل لسانه
ومن لا يعرف العيب ما همه العيب
حتى لو إن العيب يلحق إخوانه
وعود البخور ليحترق ريحته طيب
وطيب الرجل بالمرجلة والشهامة
أخفي المحبة وماني قادر أخفيها
محبة الخوي الصادق الوافي
ما بعثرتها الدنيا إلا لتدنيها
وأكتبلك أشعار توضح احساسي
إنت الخوي والرجولة ومعانيها
وإنت الشهامة بذاتها ونبعها الصافي
لا ترفض المدح مني خطيّة
مدحك نهر وأنا أحاول أجاريه
إنت القصيده والقصيده حيّة
شهم وشجاع وما تبدّل مباديه

• القصيدة الرابعة:

الكفو كفو وخوته ترفع الراس
ومثلك فخر إني أناديه ي الخوي
وطبع المراجل فيك ما تقرب العيب
لا هان من رباك شيخن حكيم قوي
معتدل رغم الزمان الملتوي
وأحمد الله من صمود في صمود
جعلني ما طيح من عين الخوي
وجعلني ما طيح في عين الحسود
عز الخوي لا صار همك طوابير
وقت الشدايد واضحن لك مكانه
يعطيك روحه ما يهاب المخاسير
قليل منهو يشبهه في زمان

• القصيدة الخامسة:

الصاحب اللي يرفع الراس نشريه.. نوفي له الميزان ونكرم جانبه
ونزيد في حقه وناخذ ونعطيه.. ولا نسمع النمام مهما حكى به
نبقى على طول الزمن في حراويه.. ونفز لا منا سمعنا جوابه
يا الله عسى الطيب على هقوتي فيه.. لاجا نهارا فيه قامت حرابه
ويا الله حي اللي ليا احتجت ندعيه.. أنا أشهد أنه فالمواقف يجابه
نفرح ليا منا مشينا نخاويه.. الجود طبعه والمراجل زهابه
وليا نخيته فز ما قال لك ليه.. يا سعد منهو فالمواقف غزابه
ضحي القبيله وحي منهو مربيه.. الأصل واحد والذيابه تشابه

• القصيدة السادسة:

خاو الخوي اللي عن الناس يغنيك
خوة وفاء ما هي خوة وناسه
الي على عسر المواقف يصافيك
لا شافك ضايق ما صد عنك براسه
أنا لي خوي مرفوع قدري ليا جيته
ومقام الخوي مرفوع قدره ليا جاني
حنا نعز الخوي بالحيل ونجله
نشفق على خوة اللي يكسب الطاله
ولا الردي ما نجي بيته ولا ندله
اللي يبي الطيب لا يرفق ع حاله
هذا الخوي اللي على العز ممشاه
نعم الرفيق ونعم الي يماشيه